நீ எப்பொழுதோ தெரிவு செய்த
என் இடத்திற்கு
இப்பொழுது தான் வர முடிந்தது

கற்பித்தலின் துயரமும்
கற்றுக் கொள்தலின் வலியும்
கலக்கும் இந்த இடம்
வசதியாகத்தான் இருக்கிறது
கொஞ்சம் குறுக்கி நீட்டிக் கொண்டால்

என் குருதி புசிக்கும்
இந்த ஈட்டிகள்
முதலில் முத்தமிடவே செய்கின்றன
என்பதால்
குறையொன்றும் இல்லை எனக்கு.

உங்கள் கருத்துக்களை படைப்புகளை அனுப்ப வேண்டிய முகவரி
uyirosai@uyirmmai.com அல்லது uyirosai.com@gmail.com