நீர்த் தாவரத்தின்
இலையின் அடியில் ஊரும்
நீர்ப் புழுவை விழுங்கும் மீனை
சற்றுக்கெல்லாம் கவ்விவிட்டது. அக்கொக்கு.
கொக்கின் தொண்டைக்குள் 
மீன் நீந்தி இறங்கிக் கொண்டிருக்கையில் 
கொக்கின் கால்களைப் பற்றி இழுக்கிறது
ஏரி முதலையொன்று .

 ஒரு குறியில் ,
ஒரு பாய்ச்சலில் ,
ஒரு வாயில் ,
ஊர்வன ,
நீந்துவன ,
பறப்பன - என

அம்முதலை இறையைக் கவ்விக்  கொண்டிருக்கிறது .

உங்கள் கருத்துக்களை படைப்புகளை அனுப்ப வேண்டிய முகவரி
uyirosai@uyirmmai.com அல்லது uyirosai.com@gmail.com